ការបង្ការការមានផ្ទៃពោះ និង ការថែទាំ

ការមានផ្ទៃពោះដោយចៃដន្យ គឺជាការមានផ្ទៃពោះដែលមិនចង់បាន ឬមិនបានគ្រោងទុក ឬមិនមានផែនការត្រឹមត្រូវ។ ការមានផ្ទៃពោះដោយចៃដន្យអាចកើតឡើងដោយ៖

គិតថាការួមភេទមួយដងមិនអាចមានផ្ទៃពោះទេ
បរាជ័យក្នុងការប្រើប្រាស់មធ្យោបាយពន្យារកំណើតណាមួយ
រួមភេទដោយមិនបានប្រើប្រាស់មធ្យោយពន្យារកំណើត
រួមភេទនៅពេលស្រវឹង
ត្រូវគេចាប់រំលោភ

ស្ត្រីខ្លះសម្រេចចិត្តរំលូតកូន ដើម្បីបញ្ចប់ការមានផ្ទៃពោះដោយចៃដន្យនេះ ដោយប្រើប្រាស់សេវារំលូតកូនដោយគ្មានសុវត្ថិភាព។ ច្បាប់នៃព្រះរាជាណាចក្រកម្ពុជាអនុញ្ញាតឲ្យមានការរំលូតកូនបាននៅក្នុងត្រីមាសទីមួយ ដោយស្ថិតក្នុងលក្ខខណ្ឌមួយចំនួននៃច្បាប់។ ការរំលូតដោយសុវត្ថិភាព គឺជាការរំលូតកូនដោយគ្មានគ្រោះថ្នាក់។ វិធីរំលូតកូនមានពីរយ៉ាងគឺ ការប្រើថ្នាំ និង ការប្រើឧបករណ៍៖

ការប្រើថ្នាំ៖ ផ្ទៃពោះក្រោមពីរខែអាចប្រើថ្នាំលេបបាន ដោយពិគ្រោះជាមួយគ្រូពេទ្យជំនាញនៅ មណ្ឌលសុខភាព ឬមន្ទីរពេទ្យបង្អែក (ហាមដាច់ខាតការរំលូតដោយខ្លួនឯង ព្រោះនាំឲ្យគ្រោះ ថ្នាក់ដល់ជីវិតបាន)។
ការប្រើឧបករណ៍៖ មានតែគ្រូពេទ្យជំនាញប៉ុណ្ណោះដែលអាចធ្វើតាមវិធីនេះបាននៅមណ្ឌលសុខភាព មន្ទីរពេទ្យបង្អែក ឬមន្ទីពេទ្យជាតិ។ជៀសវាងការមានផ្ទៃពោះប្រសើរជាងការរមលូតកូន។

ការមានផ្ទៃពោះដោយចៃដន្យមានផលវិបាកដូចជា៖
ស្តី្រគ្មានស្វាមី

កូនមិនមានខាន់ស្លា
អាប់អោនកិត្តិយសគ្រួសារ ដោយសារខុសប្រពៃណី សង្គមមិនផ្តល់តម្លៃ
ខ្វះសមត្ថភាពចិញ្ចឹមកូន
ប្រឈមនឹងការចិញ្ចឹមកូនតែម្នាក់ឯង
បាត់បង់ការសិក្សា
អាណាព្យាបាលមិនទទួលស្គាល់
សម្រេចចិត្តរំលូតកូន ពេលខ្លះទៅរកសេវាដែលគ្មានសុវត្ថិភាពនាំឲ្យបាត់បង់ជីវិត
ការពរពោះ ៩ខែ ១០ថ្ងៃ
ប៉ះពាល់ដល់សុខភាពម្តាយ បើស្ត្រីពរពោះនេះមានអាយុតិចជាង ១៨ឆ្នាំ។

ស្ត្រីមានស្វាមី

មិនមានលទ្ធភាពចិញ្ចឹមកូនបានល្អ ព្រោះមិនទាន់បានត្រៀមលក្ខណៈជាមុន
ពួកគេមិនចង់ក្លាយជាម្តាយទាំងនៅវ័យក្មេង
ទំនាក់ទំនងរបស់ពួកគេជាមួយដៃគូរកាន់តែពិបាក
កូនញឹកពេកធ្វើឲ្យសុខម្តាយកាន់តែទ្រុឌទ្រោម។

ចំពោះបុរស

អាចរងការចោទប្រកាន់តាមផ្លូវច្បាប់
ប្រឈមមុខក្នុងការចាប់បង្ខំរៀបការទាំងវ័យក្មេងអាចត្រូវសងជម្ងឺចិត្តយ៉ាងធ្ងន់ធ្ងរ
ជួនកាលអាចប៉ះពាល់ដល់ទំនាក់ទំនងដល់គ្រួសារ។

ពេលដឹងថាមានផ្ទៃពោះ (បាត់រដូវមួយខែ)ស្ត្រីត្រូវប្រញាប់ទៅពិគ្រោះយោបល់ជាមួយគ្រូពេទ្យ នៅមណ្ឌលសុខភាព ឬមន្ទីរពេទ្យបង្អែកដែលនៅជិតផ្ទះ។ ស្ត្រីមានផ្ទៃពោះត្រូវអនុវត្តដូចតទៅ៖
– ត្រូវទៅពិនិត្យផ្ទៃពោះឲ្យបានយ៉ាងតិច ៤ដងមុនពេលសម្រាល
– ត្រូវលេបថ្នំាជាតិដែក និងចាក់ថ្នាំបង្ការតាមការណែនាំរបស់គ្រូពេទ្យ
– ត្រូវបរិភោគអាហារដែលមានជីវជាតិឲ្យបានគ្រប់គ្រាន់
– ត្រូវសម្រាកឲ្យបានគ្រប់គ្រាន់
– មិនត្រូវពាក់ទ្រនាប់ជើងមានកែងចោទ ឬក្រាស់ទេ
– មិនត្រូវជក់បារី គ្រឿងស្រវឹង ឬគ្រឿងញៀន
– មិនត្រូវឈោងយករបស់ដែលនៅទីខ្ពស់
– មិនត្រូវធ្វើការហួសកម្លាំង។
មធ្យោបាយពន្យារកំណើតរួមមាន៖
1- ស្រោមអនាម័យបុរស និង ស្រោមអនាម័យស្ត្រី
2- ថ្នាំលេប (១បន្ទះសម្រាប់ ១ខែ)
3- ថ្នាំចាក់ (១ម្ជុល សម្រាប់ ៣ខែ)
4- កងដាក់ក្រោមស្បែក
5- កងដាក់ក្នុងស្បូន (១០ឆ្នាំ)
6- ការចងដៃស្បូន (បញ្ឈប់កំណើតអចិន្ត្រៃយ៍)
7- ការចងបំពង់មេជីវិតឈ្មោល (បញ្ឈប់កំណើតជាចន្ត្រៃយ៍)
8- តមការរួមភេទតាមវដ្តរដូវ (ប្រើវិធីប្រតិទិន)
9- បំបៅដោះកូន (សម្រាប់តែស្ត្រីបំបៅកូនដោយទឹកដោះ)

ការមានផ្ទៃពោះដោយចៃដន្យ ឬមិនបានត្រៀមទុកជាមុនជាការមិនល្អនោះទេ។ បញ្ហាប្រឈមជា ច្រើនអាចកើតឡើងដូចជាការរំលូតកូនដោយគ្មានសុវត្ថិភាព។ ការតមរួមភេទជា វិធីសាស្ត្រល្អបំផុតសម្រាប់ យុវវ័យគ្រប់រូប។ ស្ត្រីមានផ្ទៃពោះត្រូវការថែរក្សាសុខភាព និង ទៅជួបគ្រូពេទ្យតាមការណាត់។